Ազդեցիկ բանկիրն անում է ամեն ինչ՝ ապօրինի որդիների հետ իր ունեցվածքը չկիսելու համար: Սակայն երբ զրկվում է բոլոր փողերից՝ միայն նրանք են պատրաստ լինում օգնել հորը… Իր կարողությունը ետ բերելու համար միլիարդատերը ստիպված պետք է կողոպտի Մոնտե Կարլոյում գտնվող սեփական բանկը և շահի որդիների վստահությունը…

Սեփական հարսնացուի հորը դուր գալն այնքան էլ հեշտ գործերից չէ: Այսպիսի խնդրի առաջ է կանգնում նաև չինացի երիտասարդ Պենը, երբ գալիս է Մոսկվա իր սիրեցյալի՝ Իռայի ետևից: Նա նույնիսկ չի կասկածում, թե ինչպիսի մղձավանջ է սպասվում իրեն…

Շինարար ինժեներ Վիտալի Կալոևի կյանքը կանգ է առնում այն պահին, երբ աղետի է ենթարկվում «Բաշկիրյան ավիաուղիներ» ընկերության ինքնաթիռը. դրա մեջ նրա կինն ու երեխաներն էին: Բարսելոնի օդանավակայանում իմանալով այդ մասին՝ նա մեկնում է աղետի վայրը, որտեղ և գտնում է հարազատների մարմինները: Կալոևը կորցնում է այն ամենը ինչի համար ապրում էր։ Չսպասելով դատարանի վճռին՝ Վիտալին սկսում է փնտրել կարգավարին, ում մեղքով զոհվել էր նրա ամբողջ ընտանիքը…

Երիտասարդ միամիտ գավառական Արտյոմը գալիս է ընկերոջ մոտ Մոսկվա՝ նոր, գեղեցիկ կյանք սկսելու համար: Սակայն ստիպված լինելով գիշերներն աշխատել իբրև «սթափ վարորդ»՝ թյուրիմացաբար մի գեղեցկուհու հետ հայտնվում է թանկարժեք հյուրանոցի համարում: Երիտասարդին միլիոնատիրոջ տեղ դնելով՝ աղջիկը սկսում է հանդիպել նրա հետ… Արդեն իսկ սիրահարված տղայի համար ավելի ու ավելի դժվար է դառնում ստեղծված բարդ իրավիճակից դուրս գալը …

Կինոնկարը պատմում է Վիկտոր Ցոյի և «Կինո» խմբի ստեղծագործական ուղու սկզբնական շրջանի, Մայք Նաումենկոյի և նրա կնոջ, Լենինգրադում ռոք շարժման ավանգարդում եղած մարդկանց, նաև՝ սիրո, փնտրտուքների և մեծ հույսերի մասին: Կինոնկարը լի է երաժշտությամբ, որով ապրում և շնչում էին ֆիլմի հերոսները…

Կինոնկարը պատմում է ֆաշիստներին գերի ընկած կուրսանտ Իվուշկինի մասին, ով համարձակ փախուստ է ծրագրել։ Նա հավաքում է իր անձնակազմը և լեգենդար «Տ-34»-ով մարտահրավեր նետում գերմանական տանկային ասերին՝ Յագերի գլխավորությամբ։ Հանուն իր սիրո և Հայրենիքի՝ նա պատրաստ է գնալու մինչև վերջ:

Ազգային հավաքականի ֆուտբոլիստ Յուրի Ստոլեշնիկովը պատասխանատու պահին չի խփում 11-ը: Ցավալի սխալից հետո նա լքում է հավաքականը, ավարտում կարիերան և դառնում փոքր գավառական թիմի մարզիչ: Հենց այդ ակումբի հետ էլ նա իսկական հրաշք է գործում և վերականգնում հավատն իր ուժերի հանդեպ:

Վովան և նրա լավագույն ընկեր Կիսան գումար են աշխատում՝ զբաղվելով անօրինական գործերով: Նրանց կյանքն անցնում է սուր զգացողությունների հետևից ընկնելով, զվարճության և կարճատև հաճույքների մեջ: Մինչև որ մի անգամ հերթական պատվերը կատարելիս նրանց ընկերությունը բախվում է գլխավոր փորձությանը՝ ստիպելով պատասխանել «ո՞վ ես դու» հարցին:

Էստրադայի բեմում հանդես եկող հումորիստ Բորիս Արկադևի կյանքում ամեն ինչ լավ է՝ երջանիկ ընտանիք, հանդիսատեսների սեր, երկրպագուհիների անվերջանալի հերթեր, իշխանության բարեհաճություն: Սակայն կոմիկին հանգիստ չի տալիս անազատությունը՝ թե՛ ներքին, թե՛ արտաքին…

Հավաքվելով քաղաքամերձ տանը՝ յոթ ընկեր կատակով սկսում են մի խաղ, որի մասնակիցները բարձր ձայնով ընթերցում են իրենց եկած հաղորդագրությունները, իսկ զանգերին պատասխանում են միայն բարձրաձայն կապով: Նրանք անգամ պատկերացնել չէին կարող, թե ինչ զարմանալի բացահայտումներ են անելու միմյանց մասին:

Վեցամյա Աննայի ամբողջ ընտանիքը զոհվում է զանգվածային գնդակահարության ժամանակ: Աղջիկը հրաշքով է փրկվում. նրան իր մարմնով ծածկում է մայրը: Ավելի քան երկու տարի թաքնվելով բուխարու մեջ՝ նա դժվարին օրեր է անցկացնում և սպասում, թե երբ պետք է ֆաշիստներից ազատագրեն իրենց գյուղը: Նրան օգնում են հիշողություններն իր տան և ծնողների մասին…

Այս ֆիլմի բոլոր հերոսներն ինչ-որ իմաստով որբեր են, որովհետև զրկվել են իրենց հայրենիքից՝ քաղաքից, որտեղ ծնվել են: Նրանք սփռվել են աշխարհով մեկ և իրենց երեխաների հետ խոսում են տարբեր լեզուներով: Բոլորը չէ, որ հասկանում են նրանց ուրույն լեզուն ու հումորը: Ինչո՞ւ են մեր հերոսները հիշում իրենց քաղաքը, կցանկանայի՞ն արդյոք վերադառնալ և հանուն ինչի՞…

Հզորագույն արքա Հարոլդը քիչ է մնում կորցնի ընտանիքը Ձյունե Թագուհու պատճառով: Նա գտնում է աշխարհը չարից փրկելու միջոցը: Միայն Գերդան կարող է խանգարել նրա՝ մեր աշխարհից հեքիաթն ընդմիշտ վերացնելու գործին, քանի որ աղջկա գլխավոր զորությունը բարու և ընկերության հանդեպ ունեցած հավատն է: Այս նոր արկածում Գերդային օգնության են հասնում հեքիաթային արարածներ տրոլները, ծովահենները և անգամ ինքը՝ Ձյունե Թագուհին: