ՌՈՒՍԱԿԱՆ ՖԻԼՄԵՐԻ ՇԱԲԱԹ ՀԱՅԱՍՏԱՆՈՒՄ (2018)

ՀԱՏՈՒԿ ՑՈՒՑԱԴՐՈՒԹՅՈՒՆ

«Բոլշոյ»

(2017, ռեժիսոր՝ Վ. Տոդորովսկի)
ՀԱՏՈՒԿ ՑՈՒՑԱԴՐՈՒԹՅՈՒՆ ԲԱՑՕԹՅԱ ՀԱՐԹԱԿՈՒՄ 17 ՄԱՅԻՍԻ, ԳԱՌՆԻ, ՊԱՏՄԱ- ՃԱՐՏԱՐԱՊԵՏԱԿԱՆ ՀԱՄԱԼԻՐԻ ՏԱՃԱՐԻՆ ՀԱՐԱԿԻՑ ՀԱՐԹԱԿ
Ծրագրի ֆիլմեր

Նախագծի նկարագիրը

ՌՈՒՍԱԿԱՆ ՖԻԼՄԵՐԻ ՇԱԲԱԹ ՀԱՅԱՍՏԱՆՈՒՄ (2018)

Ռուս-հայկական մշակութային, ոչ կոմերցիոն «Ռուսական ֆիլմերի շաբաթ Հայաստանում» միջոցառումը կանցկացվի 2018 թվականի մայիսի 16-ց 20-ը Հայաստանի Հանրապետության քաղաքներ Երևանում, Գյումիրում, Գառնիում, Չարենցավանում: Միջոցառման ընթացքում կցուցադրվեն ինչպես ժամանակակից Ռուսաստանի կյանքը ներկայացնող, այնպես էլ պատմական թեմաներով ռուսական գեղարվեստական նոր ֆիլմեր: Ֆիլմերը կներկայացնեն հենց ստեղծողները՝ պրոդյուսերներ, ռեժիսորներ, դերասաններ, իսկ ցուցադրումից հետո կլինեն քննարկումներ հանդիսատեսի հետ:

Միջոցառման ժամանակ կցուցադրվեն տարբեր ժանրերի ռուսական ֆիլմեր: Կինոնկարների դիտման համար մուտքն ազատ է: Միջոցառման գլխավոր նպատակն է երկու ազգերի և երկրների մերձեցումը, արտասահմանում ռուսական մշակույթով, ռուսաց լեզվով հետաքրքրված մարդկանց միախմբումը, մշակութային փորձի և ավանդույթների փոխանակումը: Միջոցառումն անցկացվում է ՌԴ մշակույթի նախարարության, Հայաստանի Հանրապետությունում Ռուսաստանի Դաշնության դեսպանության, Երևանում Ռուսաստանի գիտության և մշակույթի կենտրոնի, Հայաստանի Հանրապետության մշակույթի նախարարության, «Շարմ Հոլդինգ» ընկերության, «Անդիրիանովա-Կինո» ընկերության, «ՌոսԳոսՍտրախ» ընկերության, «Մոսկվա» կինոթատրոնի, «Grand Hotel Yerevan» հյուրանոցի աջակցությամբ:

Կինոցուցադրումները կլինեն հետևյալ հարթակներում

«Մոսկվա» կինոթատրոն

Ք. Երևան, Աբովյան փողոց, 18

Ռուսաստանի գիտության և մշակույթի կենտրոն Երևանում

Ք. Երևան, Պռոշյան փողոց, առաջին նրբանցք, 20/14

Ռուս –հայկական (Սլավոնական) համալսարան

Ք. Երևան, Հովսեփ Էմինի փողոց, 123

«Հոկտեմբեր» կինոթատրոն

Ք. Գյումրի, Աբովյան փողոց, 143

Ռուսական ֆիլմերի շաբաթ Հայաստանում (2018)

2018 թվականի մայիսի 16-ց 20-ը Հայաստանի Հանրապետության քաղաքներ Երևանում, Գյումիրում, Գառնիում

ԿԻՆՈՑՈՒՑԱԴՐՈՒՄՆԵՐԻ ԺԱՄԱՆԱԿԱՑՈՒՅՑ

Ծրագրի ֆիլմեր

ՌՈՒՍԱԿԱՆ ՖԻԼՄԵՐԻ ՇԱԲԱԹ ՀԱՅԱՍՏԱՆՈՒՄ (2018)

«Դեպի վեր» (2017, ռեժիսոր՝ Ա. Մեգերդիչև)

Ֆիլմը 1972 թվականի մյունխենյան օլիմպիադայի ժամանակ ԽՍՀՄ և ԱՄՆ բասկետբոլի հավաքականների հակամարտության մասին է: Թվում էր՝ անհնար է հաղթելը 36 տարի շարունակ անպարտելի ԱՄՆ հավաքականին: Սակայն ԽՍՀՄ հավաքականի մարզիչը հավատում էր իր թիմին և խաղացողներին ևս կարողանում է ստիպել՝ հավատալու անհնարինի իրականացմանը:

Պրոդյուսերներ՝ Լեոնիդ Վերեշչագին, Անտոն Զլատոպոլսկի, Նիկիտա Միխալկով
Ռեժիսոր՝ Ա. Մեգերդիչև
Դերերում՝ Վլադիմիր Մաշկով, Անդրեյ Սմոլյակով, Իվան Կոլեսնիկով, Կիրիլ Զայցև, Ջոն Սէվէջ

«Բոլշոյ » (2017, ռեժիսոր՝ Վ. Տոդորովսկի)

Չափազանց տաղանդավոր Յուլկան կարող է բալետի հայտնի պարուհի դառնալ, սակայն դրա համար նա պետք է գնա մեծ զոհողությունների: Երազանքի իրականացման ճանապարհին նա շարունակ կանգնում է դժվարին ընտրության առաջ: Ֆիլմը գավառացի աղջկա վերելքի պատմությունն է դեպի «Մեծ» թատրոնի բեմ, այն երազանքի, գեղեցիկի և բալետի մասին է:

Պրոդյուսերներ՝ Վալերի Տոդորովսկի, Անտոն Զլատոպոլսկի
Ռեժիսոր՝ Վալերի Տոդորովսկի,
Օպերատոր՝ Սերգեյ Միխալչուկ
Դերերում՝ Ալիսա Ֆրեյնդլիխ, Վալենտինա Տելիչկինա, Մարգարիտա Սիմոնովա, Աննա Իսաևա, Նիկոլյա լա Ռիշ

«Աննա Կարենինա, Վրոնսկու պատմությունը» (2017, ռեժիսոր՝ Կ. Շահնազարով)

Ամեն մեկի սիրո ճանապարհն ուրույն է: Ի՞նչն է ավելի կարևոր՝ կիրքը, թե՞ պարտքի զգացումը: Ո՞վ մեղադրելու իրավունք ունի: Սրանք հավերժական հարցեր են, որ առաջադրում է կյանքը: Աննա Կարենինան կատարել է իր ընտրությունը: Նրա որդին տարիներ շարունակ ցանկացել է հասկանալ մոր ողբերգական և սարսափելի քայլի պատճառը: 30 տարի այդ միտքը հանգիստ չի տվել նաև իշխան Վրոնսկուն: Եվ ահա 1904 թվականին ճակատագիրը դեմ առ դեմ է կանգնեցնում Սերգեյին և Վրոնսկուն՝ հնարավորություն տալով վերադառնալ անցյալ:

Պրոդյուսեր՝ Կարեն Շահնազարյան
Ռեժիսոր՝ Կարեն Շահնազարյան
Օպերատոր՝ Ալեքսանդր Կուզնեցով
Դերերում՝ Ելիզավետա Բոյարսկայա, Մաքսիմ Մատվեև, Վիտալի Կիշչենկո, Կիրիլ Գրեբենշչիկով

«Առիթմիա» (2017, ռեժիսոր՝ Բ. Խլեբնիկով)

Օլեգը շտապ օգնության բժիշկ է և՝ բավական տաղանդավոր: Նա օգնության է հասնում հիվանդներին՝ փորձելով փրկել մարդկանց: Սակայն կարևորելով այդ գործը՝ անտեսում է իր ընտանիքը, կարիերան և կյանքը: Մինչ նա փորձում է ուրիշների կյանքն ավելի լավը դարձնել՝ փլուզվում է նրա սեփական կյանքը: Եվ դեռ հայտնի չէ՝ ավելի հեշտ է փրկել ուրիշներին, թե՞ սեփական անձը:

Պրոդյուսերներ՝ Ռուբեն Դիշդիշյան, Սերգեյ Սելյանով
Ռեժիսոր՝ Բորիս Խլեբնիկով
Օպերատոր՝ Ալիշեր Համիդխոջաև
Դերերում՝ Ալեքսանդր Յացենկո, Իրինա Գորբաչովա, Մաքսիմ Լագաշկին

«Սելֆի» (2018, ռեժիսոր՝ Ն. Խոմերիկի)

Կինոնկարի հիմքում Սերգեյ Մինաևի «21 դարի Дyxless. Սելֆի» հանրահայտ վեպն է: Գլխավոր հերոսի՝ կյանքի բոլոր վայելքներից օգտվող հայտնի գրող-հեռուստահաղորդավարի կյանքը փչացել է իր կրկնակի ի հայտ գալով: Ճիշտ է, նա արդեն հոգնել էր թե՛ փառքից, թե՛ երկրպագուներից, թե՛ շվայտ կյանքից, սակայն և չէր ցանկանա կորցնել այդ ամենը՝ զրկվելով սեփական անհատականությունից: Կհաջողվի՞ արդյոք ֆիլմի հերոսին վերադարձնել կորցրածը և՝ ինչ գնով:

Պրոդյուսերներ՝ Պյոտր Անուրով, Ֆյոդոր Բոնդարչուկ, Դմիտրի Ռուդովսկի
Ռեժիսոր՝ Նիկոլայ Խոմերիկի
Դերերում՝ Կոնստանտին Խաբենսկի, Յուլյա Խլինինա, Ֆյոդոր Բոնդարչուկ, Աննա Միխալկովա, Սևերիա Յանուշաուսկայտե

«Սառույց» (2018, ռեժիսոր՝ Օ. Տրոֆիմ)

Ֆիլմի հերոսուհին՝ Նադյան, մանուկ հասակից երազել է անվանի գեղասահորդ դառնալու մասին: Բազում դժվարություններ հաղթահարելու գնով գրեթե հասելով բաղձալի բարձունքին՝ նա լուրջ վնասվածք է ստանում, ինչի հետևանքով կորցնում է նույնիսկ ապրելու ցանկությունը: Ի հեճուկս ճակատագրի՝ Նադյան պետք է կրկին հավատա իր ուժերին և շարունակի պայքարել երազանքն իրագործելու համար:

Պրոդյուսերներ՝ Ֆյոդոր Բոնդարչուկ, Դմիտրի Ռուդովսկի, Ալեքսանդր Անդրյուշչենկո, Միխայիլ Վրուբել
Ռեժիսոր՝ Օլեգ Տրոֆիմ
Օպերատոր՝ Միխայիլ Միլաշին
Դերերում՝ Ագլայա Տարասովա, Ալեքսանդր Պետրով, Միլոշ Բիկովիչ, Մարիա Արոնովա, Քսենյա Լավրովա-Գլինկա, Քսենյա Ռապոպորտ

«Նախագահի արձակուրդը» (2018, ռեժիսոր՝ Ի. Շերստոբիտով)

Հոգնելով ամեն ինչից՝ Ռուսաստանի նախագահը մի անգամ որոշում է հանգստանալ Ղրիմում: Աննկատ մնալու համար նա պլաստիկ դիմահարդարման օգնությամբ փոխում է իր արտաքինը՝ ստանալով ամսագրի շապիկին պատկերված ոմն Վալերայի կերպարանքը: Իսկ քանի որ վերջինս թաքնվում էր կոլեկտորներից՝ նրա կերպարանքը ստացած Նախագահը թյուրիմացաբար հայտնվում է ոչ այնքան հաճելի դրության մեջ…

Պրոդյուսեր՝ Օլգա Անդրիանովա
Ռեժիսոր՝ Իլյա Շերստոբիտով
Օպերատոր՝ Անդրեյ Նայդյոնով
Դերերում՝ Աննա Ցուկանովա-Կոտտ, Նաստասյա Սամբուրսկայա, Եվգենի Սիդիխին, Դմիտրի Գրաչով, Կիրիլ Վասիլև

«Ցրտահարված ծածանը» (2017, ռեժիսոր՝ Վ. Կոտտ)

Կինոնկարը մի տարեց կնոջ մասին է, որ երկար տարիներ ուսուցչուհի է եղել գավառական փոքրիկ քաղաքում: Թոշակի անցնելուց հետո նա իմանում է, որ մահացու հիվանդ է: Սակայն կինը չի ցանկանում այդ տխուր լուրը հայտնել մեծ քաղաքում բնակվող իր միակ որդուն, ում վաղուց արդեն չի տեսել և ինքը սկսում է նախապատրաստվել իր սեփական թաղմանը:

Պրոդյուսերներ՝ Նիկիտա Վլադիմիրով, Մարիա Ավերբախ
Ռեժիսոր՝ Վլադիմիր Կոտտ
Օպերատոր՝ Միխայիլ Ավերբախ
Դերերում՝ Ալիսա Ֆրեյնդլիխ, Եվգենի Միրոնով, Մարինա Նեյոլովա, Անտոն Շպինկով, Սերգեյ Պուսկեպալիս

«Սահմանագիծ» (2017, ռեժիսոր՝ Դ. Տյուրին)

Երիտասարդ գործարար Միխայիլ Շուրովը կանգնում է այն փաստի առաջ, որ ուսումնասիրման աշխատանքների իրականացման պատրվակով հնագետները փակել են Նևայի ափին գտնվող իր ավազահանքի մուտքը: Շուտով ֆիլմի հերոսը հայտնաբերում է, որ պեղումների ժամանակ գտնված իրերին դիպչելով նա հայտնվում է այն պլացդարմում, որը հայտնի է Լենինգրադի պաշտպանության համար մղված ողբերգական դեպքերով. դա օգնում է նրան իմանալ իր նախնիների սխրանքի մասին:

Պրոդյուսերներ՝ Ռաֆայել Մինասբեկյան, Ջանիկ Ֆայզիև, Պավել Ստեպանով, Ալեքսանդր Բոնդարև
Ռեժիսոր՝ Դմիտրի Տյուրին
Օպերատոր՝ Յուրի Կորոբեյնիկով
Դերերում՝ Պավել Պրիլուչնի, Ստանիսլավ Դուժնիկով, Քրիստինա Բրոդսկայա, Ալեքսանդր Կորշունով, Իգոր Սկլյար

ԸՆՏԱՆԵԿԱՆ ԿԻՆՈԴԻՏՈՒՄ

«Վերջին դյուցազնը» (2017, ռեժիսոր՝ Դ. Դյաչենկո)

Ֆիլմը Իվան անունով մի խաբեբայի մասին է, ով ներկայանալով որպես էքստրասենս՝ մարդկանցից փող է կորզում: Սակայն մի անգամ նա հայտնվում է մի հեքիաթային աշխարհում, որտեղ նրան ընդունում են որպես Իլյա Մուրոմեցի որդի: Այստեղ գտնվող ռուսական հեքիաթների բոլոր հերոսները մեծ սպասելիքներ ունեն նրանից, և Իվանը ստիպված է վերցնել իր թուր-կայծակին ու կռվել չարի դեմ:

Պրոդյուսերներ՝ Մարինա Ժիգալովա-Օզկան, Էդուարդ Իլոյան
Ռեժիսոր՝ Դմիտրի Դյաչենկո
Օպերատոր՝ Սերգեյ Տրոֆիմով
Դերերում՝ Եկատերինա Վիլկովա, Միլա Սիվացկայա, Ելենա Յակովլևա, Կոնստանտին Լավրոնենկո, Վիկտոր Խորինյակ

ՀԱՏՈՒԿ ՑՈՒՑԱԴՐՈՒԹՅՈՒՆ

վավերագրական կինոնկարների ծրագիր

«Սոլժենիցին. դար» (2017, ռեժիսոր՝ Իրինա Բեսարաբովա)

Ա. Ի. Սոլժենիցինի ծննդյան 100-ամյակի կապակցությամբ

«Սոլժենիցին. դար» կինոնկարը բացահայտում է Ալեքսանդր Սոլժենիցինի ընտանիքի ծագմանն ու պատմությանը վերաբերող թեման XIX դարի կեսից մինչև Հայրենական Մեծ պատերազմի սկիզբն ընկած ժամանակահատվածում ՝ միահյուսված Հայրենիքի ճակատագրի հետ:
Ֆիլմի համար հիմք են դարձել սերտորեն փոխկապակցված սկզբնաղբյուրները՝ Ա. Սոլժենիցինի «Կարմիր անիվ» վեպ-հերոսապատումը և նրա ընտանեկան արխիվում պահպանված փաստաթղթերն ու նյութերը:
Նկարահանումները կատարվել են Սոլժենիցինի հարազատ վայրերում:

«Ռուսական Ավստրալիա» (2016, ռեժիսոր՝ Մարիա Եդեմսկայա)

Կինոնկարը պատմում է ավստրալական մի ընտանիքի մի քանի սերունդների մասին: 50-ականների սկզբին Խարբինում ռուս սպիտակգվարդիական սպայի ընտանիքում ծնված երկու քույրեր ճակատագրի բերումով հայտնվում են Ավստրալիայում: Նրանց ուղիները շատ տարբեր կերպ են դասավորվում, սակայն ամբողջ կյանքի ընթացքում նրանց մեջ ապրում է սերը Ռուսաստանի հանդեպ, որտեղ ընդամենը հյուր են եղել:
Այսօր նրանք պարզապես ապրում են՝ ամեն օր լուծելով իրենց կենսական խնդիրներն ու դժվարությունները:
Հեռավորության և էլի ինչ-ինչ պատճառներով նրանք հաճախ չեն լինում Ռուսաստանում: Սակայն առաջին իսկ հարմար առիթը բաց չեն թողնում՝ այցելելու այն երկիրը, որը համարում են իրենց Հայրենիքը:

ՌՈՒՍԱԿԱՆ ՖԻԼՄԵՐԻ ՇԱԲԱԹ ՀԱՅԱՍՏԱՆՈՒՄ (2018)

2018 թվականի մայիսի 16-ց 20-ը Հայաստանի Հանրապետության քաղաքներ Երևանում, Գյումիրում, Գառնիում

ԿԻՆՈՑՈՒՑԱԴՐՈՒՄՆԵՐԻ ԺԱՄԱՆԱԿԱՑՈՒՅՑ

ԲՈԼՈՐ ՑՈՒՑԱԴՐՈՒԹՅՈՒՆՆԵՐԻ ՄՈՒՏՔՆ ԱԶԱՏ Է:

Ռուսական ֆիլմերի շաբաթ Հայաստանում (2018)

2018 թվականի մայիսի 16-ց 20-ը Հայաստանի Հանրապետության քաղաքներ Երևանում, Գյումիրում, Գառնիում

ԳՈՐԾԸՆԿԵՐՆԵՐ

Աջակցություն

ԳՈՐԾԸՆԿԵՐՆԵՐ